الرئيسية
البتول
كلمات : البدر بن عبدالمحسن
الحان : عبدالرب إدريس
كـل أرضٍ تشيـلـك يــا ثقـيـل الحـمـول
وكـل وقـتٍ كـريـمٍ بالـرضـا والـزعـل
وين مارحت تلقى لـك حبيـب وعـذول
ويـن مـا كنـت تلقـى مثـل ياسـك..أمـل
ياطـريـق التـرجـي والـولـه والنـحـول
والله إنـي مشيتـك لـيـن حــد الثـمـل
مالقيت فوصولي لغيـر قبـري وصـول
ولا عرفت فحياتي مثل عرفـي الجهـل
لا تظـن المسافـر مـن يسـوق الرحـول
من وقف دون حلمـه عاجـزٍ مـا رحـل
وما لمخلوق منجا في الحذر والجفـول
مـا تصيـب السهـام ولا يطيـش الاجـل
الليالـي خـوات.. مـيـر منـهـي البـتـول
والحـوادث عشايـر ميـر ويــن الفـحـل
ليلـةٍ لـك .. وليلـه بالفـرح مــا تـطـول
وليـلـةٍ مــن شهـدهـا ذب راس الجـبـل
أتذكّر فـي عيـن الشمـس طفـلٍ خجـول
شالتـه فـي هدبهـا وقت لـين إشتـعـل
أعجب الناس وهجه بالجدل والفضـول
ما دروا عن (جمال الجرح) لين إندمل
والله انـي كتبتـه فـي العطـش والذبـول
ليـن غصنـه تـعـدل بـالورق وإعـتـدل
والله إنـي كتبـتـه لـيـن قال الجـهـول
والله إنــي كتبته وانـتـشـى واحـتـفل
ما أتفه الشعر كانه هالحكي اللي نقـول
لا تـعـدى المـديـح ولا تـعدى الــزل
إن لثمت الزهـور وصاحبتنـي الحقـول
ماهقيت ان صافي الشهـد عيـب النحـل
مابقى في ضلوعي كـود ريـح معمـول
وثـوب شـاشٍ عليـه مـن الندامـه وحـل
ألتفـت للطريـق ومـا عـبـر مـنـه زول
فـي جفونـي تزاحـم عبـرتـي والـوجـل
طـلـت يالعـمـر والا قلعـتـك لا تـطـول
طاولـتـنـا اللـيـالي بالـسهـر والـملل
إن تعـبـنـا نـحب ولا لـقـيـنـا قـبول
مـا تسـر الامـانـي .. ولا يفـيد العـذل
لـكـن .. الله كـريـم وكـل هـمٍ يـزول
ما علـى الله بعيـد .. ولا جفـاك المحـل
كـل أرضٍ تشيلـك .. يـا ثقيـل الحمـول
وكـل وقـتٍ كـريـمٍ بالـرضا والـزعـل
