بـ هاليووم

بهاليوم رخي اعصابك ولا تشدها
بهاليوم تتآلف الكَلوب ويا حاقد لا تصدها
بهاليوم طلع مشاعرك لاتكبتها وتجمدها
وبكَلبك لا تخليها وتحبسها وتغلفها وتجلدها
كَول شما كَلت لتخاف وباب كَلبك لا تسدها
ولتوكف بدرب نفسك وهاي روحك لا تضدها
الى متى تبقى انت ساكت ولازم مشاعرك ما تهدها
هذا يومك بالمُحب ويلا سنون الكَلب حدها
بس خليني انطيك فكرة حتى مشاعرك تحددها
ولا كل يوم مد وجزر تجزرها وتمددها
الحب مو كلمة ونرددها
مرة ننفيها ومرة نأكدها
الحب مو ضربة ونسددها
مرة بمشاعر ومرة من المشاعر نجردها
الحب مو بطولات ونعددها
مرة ننزلها ومرة بالعالي نصعدها
الحب مو بنية ونهددها
مرة نكولها سكني العين ومرة بالشارع نشردها
الحب مو قصة نحجيها ونسردها
مرة نكَصرها ومرة نمددها
اذا قررت تحب لازم روحك تعاهدها
ولازم حبيبتك بالاخلاص تواعدها
والتحبك صدك تسعدك وانت تفديها وتسعدها
وباب الوحدة انساها وودعها وسدها
ولك من غير الحبيب هاي جروحك لونزفن ياهو اليضمدها؟
وهاي نعم ربك عليك واجبك تشكرها وتحمدها
وهذا عيد الحب اجا للمشاعر النايمة يكعدها
ونار المحبة يشعلها وينورها ويولدها
هذا عيد الحب مو بس ذكرى وبعقولنا نخلدها
هاي ذكرى الامس والحاضر والمستقبل
ولازم كل يوم وكل ساعة وكل لحظة نجددها