الرئيسية
خلك ماصرت لوما خليلي اتصير
وصرت خلي برضاتك
چي صرت خلك
***
علمتك عليه من الالف للياء وتغلط بلاجابه وانه اعدلك
حرثت الخاطرك بالروح مثل الگاع وبوسات
وورد كل خلـكـي اشـتـلـك
***
شمعه انت بحياتي وعمري ضلمة ليل اشعلت روحي
وخفت ما اشعلك اشعــلـّّّـك
خاف سنيين عمرك تحترك بالشوك
اضـمـنـلـّّّـك كمت من عمري اعزلك
****
وعليك اسودنت مو بس اغار اعلييك
واحل روحي واكضك خايف تحلك!!
****
شلي بغيرك انه والگه مثللك وين
وتتعب تلگه غيري بهل التعب شلك !؟!
****
ياهو العلمك وتريد تمشي بعييد؟؟
سل الشـوك خايف باجر يـسـلـّّّك
****
مثل ضلك جنت بالخطوه نمشي ثنيين
مشيت انت بظلام وضيعت ظـلـّّّّّّك!!
*****
عرفني اعله شخصك رايداحجي وياك
بس كلمه وبعد ماغيرهة نكـلـلـك
******
وحده من الثنيين أو وحده راح اختار
لو كــلــك احــبــك
لو احــب كـــــلـّّّّّـك
*****
اٍسأل ليش احبك حته اگلك ليش
وليش شما تسوي وياي اقبـلـّّّّّك
لـحـظـة مـوت عـمـري
سنـيـنـي كـلـهـن خــوف
*****
وبس وياك أأمن لمنّّّّّ اوصـلـّّّّّّّّك
وانته آخر نفس وشكد عزيز تصير
وبلحظة الموت تريدنه نـمـلـّّّّّـك
*******
خيط اعله الجرح باللحم صرت وياي
لـوكـل الــجــروح اتـطـيـب مـا فـلـك
*******
تعرف كلشي بيه وماعرفت شبيك
لــــغــــز حــلــك لــــغــــــز
مـــن يــعــرف يـــحــــلــــك
للشاعر جبار رشيد
